കുവൈറ്റ്‌ കോടതിയിൽ വികാരനിർഭരമായ രംഗം

കുവൈറ്റിലെ ഒരു കോടതിയിൽ കഴിഞ്ഞ ദിവസം അരങ്ങേറിയ വികാരനിർഭരമായ രംഗങ്ങൾക്ക് ഒടുവിൽ സമാധാനപരമായ പരിസമാപ്‌തി.

ജാഫരി കോടതി ആയിരുന്നു വേദി. കുട്ടിയെ വാപ്പയോടൊപ്പം വിടണോ അതോ ഉമ്മക്കൊപ്പമോ? തീരുമാനം എടുക്കേണ്ട ദിവസം. കുട്ടിയോടായി ജഡ്ജി ചോദിച്ചു :'ആർക്കൊപ്പം പോകാനാണ് ഇഷ്ടപ്പെടുന്നത്"

ഒന്നും പറയാനാവാതെ കുട്ടി മൗനം പാലിച്ചു തല താഴ്ത്തി നിന്നതേയുള്ളൂ. ഈ രംഗം കണ്ടുനിന്നവരെയെല്ലാം വികാര വിവശരാക്കി. ഒടുവിൽ ന്യായാധിപൻ സീറ്റിൽ നിന്നെഴുന്നേറ്റ് കുട്ടിയുടെ അടുത്തേയ്ക്ക് വന്നു; ഉമ്മ കൊടുത്തു. പിന്നെ സ്നേഹമസൃണമായി ചോദിച്ചു, "ആരുടെ കൂടെയാണ് പോവുന്നത്?"

മൗനം ഭഞ്ചിച്ച് കുട്ടി പറഞ്ഞു "ഉമ്മയോടൊപ്പം "-അതോടെ അല്പനേരത്തെ ശോകമൂകരംഗത്തിനു ശുഭാന്ത്യം.

കുട്ടി തന്റെ ഈ നിലപടിനു കാരണവും പറഞ്ഞു: "വാപ്പ ഉമ്മയെ എപ്പോഴും തല്ലും. അവർതമ്മിൽ സ്വരച്ചേർച്ച ഇല്ല." പ്രദേശിക പത്രമായ കുവൈത്ത് ടൈംസ് ആണ് ഈ വാർത്ത റിപോർട്ട് ചെയ്തത്.